ترا مرره عادي ما تقدرين او ما يحصل لك تسوين كل شي تلقينه وتقرينه
والسبب ببساطه كل ام تختلف من وحده لثانيه حسب ظروفها وامكانيتها يعني ممكن مره تحسين انك ممتنه كثير ومره ممكن تحسين انك محبطه هذا شعور طبيعي يمر فيه الكثير مثلك ( ومنهم انا طبعا) 🤷🏻♀️
يالله نبدأ:
خلال مرحله الحمل:
１. خلال حملك جهزي خطه الولادة
وعشان ما اكثر عليك هذا رابط بوست خطه الولادة واهميته
واذا ماعندك وقت: خطه الولادة مره مهمه لانها ترتب افكارك حتى ولو كانت ظروفك ومكان ولادتك
المهم تكون بنايه على وعي ومرونه بحدود المعقول والاهم صحتك وصحه الجنين
２. طبعا جهزي أغراض الطفل :
متطلبات الأطفال كثيره جدا واللي موجود بالمواقع والمولات اكثر بكثير من احتياجك
اهم شي قبل ولادتك تكونني مجهزه ملابس البيبي بعدد معقول وسرير واحتياجات الطفل الاساسيه
حطي لسته بجوالك بالاشياء المهمه وتبغينها وتناسب ظروفك مو على حسب ظروف غيرك عشان اعجبهم
３. تعلمي عن الولادة والعنايه بالمولود:
مره مره مره بيفيدك لو تاخذين حصص تثقيفيه عن الولادة من مصادر موثوقه ذو خبره طبيه عشان يزيد من ثقتك اثناء الولادة
وكمان ثقفي نفسك بالعنايه بالمولود من مواقع موثوقه او دورات عشان ماتضيعين بعد الولادة بنصائح الزوار والاهل وعشان يقل خوفك مع التعامل مع الطفل الصغير الحجم
ولاتنسين طبعا الرضاعه الطبيعيه اذا كانت خطتك رضاعة حصريه
４. لاتهملين صحتك النفسية :
اذا حسيتي بمشاعر او حاله نفسيه مضطربه بسكل مستمر ومؤثر سلبا على حياتك نصيحة استشيري مختص ولا تقولين فتره وبتعدي
بعد الولادة:
５. سوي اللي تشوفيه مناسب لك
بمجتمعنا هذي من اكثر المراحل اللي تسمعين فيها نصايح وصح وخطأ!
وبما انك وصلتي هنا فاتوقع انك تحبين تثقفين نفسك عن هذي المرحله فسوي اللي تحسين انه صح ومناسب لك ولظروفك
６. تواصلي مع أمهات بنفس مرحلتك:
مرره احب مجموعات الدعم
صديقه معاك توها والده او مجموعه حضرتي معاهم كورس او كلاسات مرره بيفرق معاك كام لأول مره
بتحسين انه انتي مو لحالك تعيشين هذي التجربه وهذي المخاوف بهذي المرحله مو تجربه عاشوها قبل سنوات
كذا بتحسين براحه وتقدرين تشاركين مخاوفك باريحيه
طبعا بالنهايه مهم تحكمين عقلك الهدف منها المشاركه فقط والتخفيف عن النفس مو تتوقعين يحصل لك او يحصل لهم نفس الشي
７. اعطي نفسك وقت عشان قوه وشكل جسمك يرجع مثل قبل
اذا انتي تتابعيني من زمان فانتي تعرفين انه لازم تعطين نفسك وقت عشان ترجعين مثل اول مع مراعاه ظروف عديده منها الحاله النفسيه والنوم
ابدي بالرياضه والحركه على حسب ما تقدرين يفضل مع مختص لنتائج افضل
８. نامي اذا حصل لك فرصه
طبعا مره صعب ومو معقول تبطقين اللي كل احد يقول نامي متى مانام طفلك
ولكن اللي بقولك انا ان نوم الليل مهم ومفيد جدا فحاولي تغتنمين ولا تهملين هالوقت
وقيلوله صغيره لو نص ساعه بتفرق معاك خلال النوم
ولاتنسين تطلبين المساعده وقت الحاجه لان جسمك له حق عليك
ولو ما اهتميتي بنفسك وجسمك زين مارح تقدرين تهتمين بطفلك وعائلتك زين برضو
شاركيني رأيك اذا اعجبك الموضوع او اذا كان فيه نقطه بالنسبه لك مهمه ما ذكرتها
شكرا على وقتك 🌸
واذا انتي حامل وحابه تستمعين بحملك ومرحله بعد ولادتك .. او اذا ولدتي قريب او حتى لو من فترة بس وحابه تستعيدين قوتك العضلية بشكل صحيح
لاتفوتين برنامج الحمل الشامل (سواء البرنامج كامل او جزء منه) 💎
