ممكن الحل أبسط مما تتخيلين
اشتركت معا أم لطيفة عمرها ٤٢ سنة 💓،
تتمرن بالنادي بشكل منتظم،
وما عندها أي آلام في الظهر أو الحوض أو مشاكل صحية واضحة.
لكن عندها مشكلة واحدة فقط ⚠️:
💥إذا حسّت إنها تحتاج الحمام…
لازم تروح فورًا
ما تتحمل الانتظار.
ما هو ألم.
مو ضعف عام.
🚨بس إحساس “مُلِح” ما تقدر تأجله 🚨.
🎯اللي سوته كان بسيط جدًا
اشترت كتيب فيه تمارين لتقوية عضلات قاع الحوض.
وقررت تلتزم فيه لمدة أسبوع.
بس أسبوع.
والنتيجة 🎖️؟
تحسّن واضح جدًا لدرجة إنها بنفسها استغربت 🎉 .
ليش أحيانًا المشكلة تنحل بسرعة 💭؟
💡 لأن مو كل المشاكل معناها:
- ضعف شديد
- تلف في الأنسجة
- او وضعيه جسم غلط من ناحية ميلان او عدم توازن
- أو حالة معقدة
💡أحيانًا المشكلة تكون:
- نقص وعي بالعضلة
- ضعف بسيط في التحكم
- أو عدم تنسيق بين العضلات
وفي هالحالات، الجسم يستجيب بسرعة لما تعطيه الشي الصح.
🚨لكن… مو كل الحالات كذا🚨
في ناس يجربون نفس التمارين…
وما يتحسنون ⚠️.
ليش💭؟
ليش بعض الناس ما يتحسنون رغم التمارين؟
1. ⛔️ مو هذا اللي يحتاجه جسمك
مو كل مشاكل الحوض = ضعف عضلات.
بعض الحالات تكون:
- شد زائد (overactive pelvic floor)
- أو مشكلة تنسيق
- أو حتى مرتبطة بالتنفس
فلو عطينا “تقوية” لجسم أصلاً مشدود…
ممكن ما يتحسن.
2. ⛔️ مو هذا الشي اللي جسمك يستجيب له
بعض الناس تحتاج:
- تمارين مختلفة
- أو توجيه أدق
- أو تعديل في الطريقة
مو مجرد “سوي التمرين وخلاص”.
3. ⛔️ في عوامل ثانية تأثر
مثل:
- التوتر
- أسلوب الحياة
- العادات اليومية
- أو حتى طريقة دخولك الحمام
⛔️الجسم ما يشتغل بمعزل عن حياتك⛔️.
🎯 🚨 🎖️⛔️ 🧠 💡 💥 ⚠️ 💭
ومو بس التمرين💭 … اللي يفرق هو قناعتك فيه
اللي صار مع هذه الحالة مو بس “تمارين ونجحت”.
كان فيه شيء ثاني مهم🎉 :
💡 هي كانت مقتنعة إنها تحتاج هذا الشي،
ومتحمسة تجرب،
وواضحة مع نفسها ليش قاعدة تسويه.
وهذا يفرق أكثر مما نتوقع.
⚠️ لأن كثير ناس :
- يشترون برامج
- يحملون تمارين
- يحفظون فيديوهات
لكن ما يطبقون… أو يطبقون بدون اقتناع.
مو لأنهم كسولين،
لكن لأنهم أصلًا مو متأكدين إن هذا اللي يحتاجونه،
أو مو هذا اللي هم فعليًا يبغونه.
العقل يدخل بنصف طاقة،
والجسم يتبع.
ليش هذا يصير؟
🧠 في علم النفس فيه مفهوم اسمه:
Self-Determination Theory (نظرية الدافع الذاتي)
الفكرة ببساطة:
🧠 الإنسان يلتزم ويتحسن أكثر لما:
- يحس إن القرار طالع منه
- يفهم ليش قاعد يسوي الشي
- ومقتنع إنه مناسب له
مو بس لأنه “مفروض” يسويه.
🚨 لما تشتري برنامج وأنتِ:
- مو متأكدة إنه يناسبك
- أو بس لأن غيرك نصحك
- أو لأنك تحسين “لازم أسوي شي”
- او حتى لما تتطلعين على البرنامج وصار غير اللي تدورين عليه
غالبًا 🚨:
ما تلتزمين
أو تلتزمين بدون روح
أو ما تشوفين نتيجة واضحة
مو لأن البرنامج سيء…
لكن لأنه مو متصل فيك أنتِ.
ملاحظة 💓
تفاصيل الحالة معدّلة للحفاظ على خصوصية المراجِعة
كلمة أخيرة
كل حالة أشوفها في العيادة او تشترك معاي تذكرني بشي مهم:
أعراض الجسم ما تجي من فراغ و الاحتياجات تختلف!
عشان كذا في برامجي ما أكتفي بالتمارين فقط.
أحرص يكون فيه تواصل واستشارات وتوجيه شخصي،
لأن الخطة وحدها ما تكفي إذا الأم محتاجة طمأنة، فهم، وتأكيد إنها تمشي في الطريق الصح.
هدفي مو إنك تمشين على برنامج كامل بدون إحساس،
هدفي إنك تفهمين جسمك، تثقين فيه، وتتحركين بأمان وراحة في مرحلة تحتاج منك لطف أكثر من ضغط.
ولو تحسين إنك محتاجة دعم أو توجيه يناسب وضعك أنتِ تحديدًا،
تقدرين دائمًا تبدئين بخطوة بسيطة… خطوة فيها فهم قبل أي تمرين.
احجزي استشارتك المجانيه مع الفريق 📲 وشاركينا كيف نقدر نساعدك 🌷
