كل ما يجب ان تعرفينه عن الولادة القيصريه
👈🏼سواء كانت ولادتك القيصريه مخططه لها او لا ، هي تعتبر عمليه صعبه نفسيا الى حد ما ومؤلمه اول فتره
بذكرك بعض النقاط اشوفها مهمه انك تعرفينها عن الولادة القيصريه :
１- هذي الولادة تعتبر علميه بمعنى بتحتاجين مخدر وآثار المخدر لما تروح مثل الغثيان /التنميل وصعوبه بالحركة اول كم ساعه بعد الولادة 💔
２- الحركة اول مره بتكون صعبه ومتعبه بس لازم لازم لازم تتحركين وكل ما تحركتي اكثر كل ما خفت عليك الصعوبه والالم ⛔️
３- كل يوم بتحسين نفسك احسن من اليوم اللي قبله 🎉
بس بعد 3-5 أيام بتكون شوي صعبه عليك عشان الألم بمكان الجرح ولسى صعوبه الحركة بالاضافه الى بدايه تحجر الصدر💥
４- خوذي مسكنات- عادي تخذين مسكنات لا تتحملين الألم والطبيب سمح لك بالمسكنات💊
５- الفتره الأولى تقريبا اول أسبوعين ممكن اقل ممكن اكثر : الكحة/ الضحك والعطسه مؤلمه للأسف نوعاً ما 💔
والانتفاخات الموجوده من حملك مثل اليدين والوجة والساق قد تستمر الى أسبوع او اثنين قبل ما تخف وسبب المغذي اللي اخذتيه وقت تنويم المستشفى
６- اشربي مويه كثير واهتمي باكلم وكمان تجنبي الإمساك وعادي لو اخذتي ملينات اول الوقت عشان الإخراج وانتي بكرامه يكون سهل وماهو مؤلم لبطنك وكمان عشان تقوين جسمك ⛔️
7- اطلبي مساعده عادي تطلبين مساعده المساعده مهمه مهمه لا تتعبين نفسك اكثر من قدرتك
(حاولي يعني لا تسوين نفسك سوبر هيرو🌝 )
８- اهتمي بنفسك بمعنى خليك لطيفه مع نفسك تقبلي التغير واللي صار لك والالم والمساعده المطلوبه 🌸
９- اتحركي ونامي بوعي: بمعنى اول أسبوع الى اثنين ممكن يكون مو مريح انك تنامين فلات (مسطحه) على السرير او تقلبك بالسرير شوي صعب او حتى الوقفه ⛔️
هذي كلها ممكن تحصل معاك وممكن ما تحصل معاك تعتمد على أشياء كثيره
１０- استخدمي مخدات بالضغط الخفيف على بطنك وقت الحكه او العطسه او الضحك للتخفيف من حده الألم 😉
وفي بعض الدراسات تسمح بالمشدات الخفيفه الضغط على مكان جرح العملية
ولاتنسين تستخدمين ملابس داخليه تكون قطن بخصر عالي
وكمان مخدات تساعدك برفع البيبي وقت الرضاعة
１１- ممكن يجيك شد / تنميل بمكان جرج العمليه ولكن محتمل ممكن كل الجرح ممكن الجهه اليمين او اليسار 💥
بعد التآم الجرح تماما واخذتي الاذن من الدكتوره ممكن تبدين تسوين مساج على مكان الجرح باستخدام زيت
１２- الثلج على مكان الجرح ممكن يفيدك ويخفف الاعراض المذكوره ولكن لاتحطينه مباشره على الجرح🧊
１３- اول شهر وممكن اكثر لا تتحمسين اذا حسيتي نفسك احسن بانك ترجعين حياتك الطبيعيه لان المجهود ممكن يسبب لك الم او ارهاق ⛔️
１４- اول فتره الاربعين تجنبي تشيلين شي ثقيل اثقل من البيبي ❌
１５- خليك منتبه من اعراض التهاب الجرح منها: احمرار تورم حراره بمكان الجرح او ارتفاع حراره الجسم ، افرازات من الجرح تواصلي مع طبيبتك او المستفى على طول ⛔️
１６- عادي انك تحسين بالحد المعقول بالحزن على انك ماولدتي طبيعي خاصه لو كانت مو مخطط لها ولخبطه الهرمونات بتخيلي الفتره الأولى صعبه على الأول ولكن انتبهي انه مايأثر على علاقتك بالبيبي او اهلك واذا صار لاقدر الله استشيري مختص لاتهملين الموضوع 💡
１７- الاستشفاء من العمليه القيصريه وانه يرجع بطنك مثل قبل عمليه مرره طويله تحتاج استمراريه بموازنه اكلك ونشاطك البدني وحالتك النفسيه وماهو شي مستحيل فاعطي نفسك وقت لانه مارح يصير بسرعه 📍
من ناحيه الاستشفاء العضلي اول وقت بيكون فيه شووي صعوبه بمعرفه تفعيل عضلات البطن السفليه بسبب الجرح فكل ما بديتي بدري بنفعيل العضلات بدري مع تمرين كيجل كل ماكان افضل لك
وتذكري ان العمليه القيصريه في حالات كثيره نعمه للمحافظه على سلامتك وسلامه البيبي ولا يقلل من امومتك ومجهودك خلال فتره الحمل
اقرأي موضوع الانفصال العضلي فيه تمارين تفعيل عضلات البطن حلو تبدأين فيه اول ما تحسين نفسك احسن بالاضافه الى التمارين اللي موجوده بالانستقرام بهاشتاق
#تمارين-بعدالولادة-سفانة
دائما استشيري طبيبتك قبل ماترجعين لرياضتك افضل وبالبدايه تبدين رياضتك مع وحده مختصه لمرحله بعد الولادة او استشيري اخصائيه علاج طبيعي تعطيك وشلون تبدأين الرياضه والارشادات المهمه
اذا اعجبك المقال او عندك سؤال اكتبيه بالتعليق للاستفادة العامه 🌸
واذا انتي حامل وحابه تستمعين بحملك ومرحله بعد ولادتك .. او اذا ولدتي قريب او حتى لو من فترة بس وحابه تستعيدين قوتك العضلية بشكل صحيح
لاتفوتين برنامج الحمل الشامل (سواء البرنامج كامل او جزء منه) 💎
