رسالتي لك بمناسبة اليوم العالمي للعلاج الطبيعي
بمناسبة اليوم العالمي للعلاج الطبيعي ٨ سبتمبر اللي هالسنه عن آلام الظهر .. حبيت هذي السنة اعطيك من خبرتي اللي قريب جداً بتصير ١٠ سنوات اهم المعلومات اللي تحطينها ببالك عن العلاج الطبيعي وعن الآلام العضلية 🌸
ولأن الحياة مليانه تحديات منها تحديات الامومه والحمل .. ضغوطات العمل والالتزامات اليومية وممكن هذي تنعكس عليك بالشعور بالتعب او الملل .. أو ممكن الآلام العضلية اللي منها آلام الظهر والأكتاف
وممكن احيانا تحسين بتعب وجسمك يخذلك بس من الصعب تلقين أحد يفهمك
وهدف العلاج الطبيعي مو فقط تحسين الحركة وتخفيف الألم هدفه تحسين جودة حياتك وهذا الهدف بالغالب بعيد عن اهتمام الاطباء
تنويه مهم المذكور بالإيميل هو رأي شخصي وتجربة مع المراجعات ☢️
١- كل أخصائي علاج طبيعي له طريقة علاج وتعتبر صحيحة اذا إنتي جالسه تشوفين تحسن ولا تشتتين نفسك بأخذ رأي ثاني إلا اذا ما كنتي مقتنعه بطريقة العلاج أو ما تحسنتي 🌸 ..
والعلاج الطبيعي يتطور واللي كنت اسويه قبل ٥ سنوات تغير عن الآن منها اللي تتابعيني عشانه تمارين الحمل / مابعد الولادة والانفصال العضلي وكم مره تسوين كيجل.
وكمان تمارين الاستطاله الثابته وتعدين الى ٣٠ ( احسها مضيعه وقت 😄 )
اعترف اني عالجت كثير وكثير وكثير من الحالات الحمدلله ولكن فيه حالات ما قدرت اعالجها واعرف سبب المها لانه خارج تخصصي او معرفتي بوقتها .. فمو كل شي تشوفونه بالسوشيال ميديا صح او سحر 💔
٢- الانصات الجيد مع المراجعه هو مفتاح التشخيص والعلاج 🔐
٣- الجلسة لا تغني عن التمارين المنزلية ولا تغني عن تمارينك بالنادي لو انتي تروحين النادي وكل واحد له هدف مختلف على حسب مشكلتك ⚠️
٤- أخصائي العلاج الطبيعي يعلمك التمارين اللي تركزين عليها بالنادي بس غير مسؤول انه يعطيك جدول رياضي تمشين عليه بالنادي 🙅♀️
٥- الألم اللي يشكي منه المراجع حقيقي ممكن فيه عوامل تسبب شده بالألم مقارنه بعوامل ثانية ولا يحق لأي شخص إنه يقلل من معاناتك .. وعادي ومو غلط تاخذين مسكن عشان تقدرين تكملين يومك وقت الحاجة (مع اشراف) ❤️🩹
٦- الهدف الأساسي من العلاج الطبيعي تخفيف الألم وتحسين الحركة بالاضافه الى الإرشاد والتثقيف فطريقه العلاج والعوامل اللي تأثر عليها بتعرفينها بجلستك لاكن الباقي عليك تسوينها وتلزمين عليها لان مافيه عصا سحري بيحل لك مشكلتك أي ما كانت سواءً ألم او تأهيل ما بعد الولادة ..التحسن ممكن يكون سريع جدا واحيانا يكون بطيئ ولكن عندنا ارشادات تبين اننا ماشين صح او لا ⚖️
٧- الحركة سلاح ذو حدين لان الزياده مثل النقصان انك ما تتحركين مثلك مثل اللي من تقوم إلى ماتنام وهي بس تشتغل وتتحرك كثير وماترتاح التوازن مهم 😴
٨- حبيبتي انتي الرياضه مهمه مهمه مهمه مو بس عشان جسمك يصير شكله مشدود بس عشان تحافظين على عضلاتك اللي تخسرينها مع العمر و عشان صحتك النفسيه و جودة نومك وانتظمي على رياضتك اللي تحبينها مهما كان نوعها ولكن لازم تكون متوسطه الشده مب رياضه خفيفه ماتحسين بمجهود ٣ ساعات بالاسبوع على الأقل 💓
٩- حالتك النفسيه مهمه و ممكن تتأثر بشغلك / علاقتك مع زوجك / عيالك / اهلك / مع نفسك ولا تهملينها ولاتنسين نفسك 🫂
١٠- التنفس مهم والنوم مهم وجودة اكلك مهمه 😃
خليك قريبة قريبا رح افتح استشارات اون لاين لعدد قريب لمدة قصيرة 🔥 🕰️
ودعمك يعني لي 🌸 شاركيني احتياجاتك عشان اجهزها والكل يستفيد
