الخوف من الولادة

⛔️خوفك من الولادة امر طبيعي وكثير من الحوامل يخافون مثلك من تجربتي معاهم

وعادة ما يتم تصوير الولادة انها مؤلمة جدا والتجارب اللي تسمعينها هي مخيفه وهذا يزيد من خوفك وقلقك (ومااقول انها مو مؤلمة)

أنواع الخوف:

• خوف من عدم معرفه أي شي عن الولادة

• الخوف من الألم ولازم تعرفين ان الخوف يزيد من شد عضلاتاتك وتوترك وينتج عنه زياده في الألم

• الخوف من التدخلات الطبيه وقت الولادة

• الخوف انك تتبولين او تتبرزين على نفسك

• خوف انك ما تقدرين تسيطرين على خطتك او رغباتك

• والخوف طبعا المهم انه دكتورتك ماتجي لولادتك 

ولكن فيه خطوات واشياء ممكن تسوينها تخفف لك من هذا الخوف👈🏼

خطوات تخفف لك من هذا الخوف:

• حضور حصص تثقيفيه للحوامل من اشخاص او مراكز معروفه وهذي الحصص بتخليك مثقفه مستمتعه بحملك وواعية عن الولادة ومسيطره على خوفك والألم وتتخذين قراراتك بدراية كافيه

• التمارين بكل أنواعها 

• تمارين الاسترخاء والتنفس

• الاكل الصحي 

• تتكلمين مع احد تثقين فيه واختاري احد مو هوّال يهون عليك ويطمنك 

أخيرا :

اذا كنتي تتبعين خطه ولادة من كم صفحة لانك شايله هم وقلقانه فسويها 💥

واذا كنتي تبين تاخذين أي نوع من المسكنات خوذي💥

💥اذا كنتي تبين ولادتك تكون طبيعيه من دون أي تدخلات وتحسين هذا الشي فطري فاختاري طبيبتك بعنايه وتوافقك 

💥إذا تحسين ان ماتبين تعيشين التجربه وتبين تولديه قيصري فاولدي قيصري!

تاكدي لك الحق باختيارك الطريقه اللي تبين لولادة طفلك اللي شلتيه جواتك شهور لان هذا جسمك وهذا ولدك انتي 

❌مافيه شي خطأ! الخطأ هو انك تحكمين او احد يحكم على قرارك!

تجاهلي كل هالاحكام! وتجاهلي هالاشخاص اللي يتكلمون بسلبيه او متمسكين باختيار واحد فقط ومايعرفون الخيارات المتاحة ولايعرفونك ولايعرفون قصتك او مشاعرك وحياتك

اذا اعجبك المقال او عندك سؤال اكتبيه بالتعليق للاستفادة العامه 🌸

واذا انتي حامل وحابه تستمعين بحملك ومرحله بعد ولادتك .. او اذا ولدتي قريب او حتى لو من فترة بس وحابه تستعيدين قوتك العضلية بشكل صحيح 

لاتفوتين برنامج الحمل الشامل (سواء البرنامج كامل او جزء منه) 💎

لتفاصيل البرنامج